فلسطین کی اسلامی استقامتی تحریک حماس کی فوجی شاخ القسام بریگيڈ نے حتسریم چھاؤنی میں صیہونی حکومت کی بٹالین ایک سو سات اور تسلیم چھاؤنی میں لشکر سینا کی کمان پر دو زواری ڈرون طیاروں سے حملہ کیا ہے۔
القسام بریگيڈ نے فلسطینیوں کے قتل عام کے خلاف ردعمل ظاہر کرتے ہوئے سدیروت صیہونی بستی اور صوفا ، حولیت، اور بئر السبع شہروں پر راکٹ برسائے ہیں، فوجی اڈوں پر راکٹوں ، ڈرون طیاروں اور مارٹر گولوں سے حملہ کیا۔
صیہونی میڈیا نے دعوی کیا ہے کہ آئرن ڈوم نے ایک ڈرون کی ٹریکنگ کی ہے،اس کے علاوہ غاصب صیہونی فوج نے یہ دعوی بھی کیا ہے کہ اس نے مقبوضہ فلسطینی سرزمین اور غزہ پٹی کی سرحد سے گزرنے والے دو ڈرون طیاروں کی نیر عوز اور عین ہبسور میں ٹریکنگ کی ہے۔
غزہ پٹی کے قریب واقع صیہونی بستیوں میں سائرن بجائے گئے ہیں۔