نیپرا کی بجلی ایک روپے 61 پیسے فی یونٹ مہنگی کرنے کی منظوری

اسلام آباد (شوریٰ نیوز) نیپرا کی بجلی ایک روپے 61 پیسے فی یونٹ مہنگی کرنے کی منظوری ،اطلاق صرف جون کے بلوں پر فیول ایڈجسٹمنٹ میں اضافے پرہوگا،نیپرا اعلامیے کے مطابق ڈسکوز کے اپریل کے ماہانہ فیول ایڈجسٹمنٹ کی مد میں اضافے کی منظوری دی گئی۔نوٹیفکیشن میں کہا گیا ہے کہ سینٹرل پاور پرچیزنگ ایجنسی نے 2 روپے ایک پیسے فی یونٹ اضافے کی درخواست کی تھی لیکن اتھارٹی نے 30 مئی کو ایف سی اے پر عوامی سماعت کی تھی۔نیپرا نے سماعت کے بعد ایک روپے 61 پیسے فی یونٹ اضافے کی منظوری دی اور اس کا اطلاق صرف جون کے بلوں پر ہوگا۔نوٹیفکیشن کے مطابق اطلاق ڈسکوز کے تمام صارفین ماسوائے لائف لائن اور الیکٹرک وہیکل چارجنگ اسٹیشنز پر ہوگا، اطلاق کے الیکٹرک صارفین پر بھی نہیں ہوگا۔