پی آئی اے کا خسارہ 742 ارب تک پہنچ گیا، سعد رفیق

لاہور(شوریٰ نیوز) وفاقی وزیر ریلوے اور ہوا بازی خواجہ سعد رفیق نے کہا ہے کہ پی آئی اے کا خسارہ 742 ارب تک پہنچ گیا، سعد رفیق
سابقہ حکومت نے 80 ارب کا نقصان پہنچایا،پی آئی اے کی نجکاری ضروری،لہٰذا نجکاری کے بغیر کوئی حل نہیں۔ ایم ایل ون منصوبہ کی کارروائی مکمل کر لی گئی ہے، پروڈکشن یونٹ کو پرائیویٹ سیکٹر میں لے کر نہیں جائیں گے تو یہ ادارہ دم توڑ جائے گا۔خواجہ سعد رفیق نے لاہور میں افسران کے ہمراہ اپنے 15ماہ کے دور میں ہوا بازی اور ریلوے میں کی گئی اصلاحات پر صحافیوں کو بریفنگ دی۔ انہوں نے نام لئے بغیر سابقہ حکومت پر پی آئی اے کو80 ارب کا نقصان پہچانے کا مبینہ الزام لگایا۔ ائیرپورٹس کو آئوٹ سورس کرنے سے ان کا معیار بہتر ہوگا، اب ہمارے پاس لیز پر طیارہ خریدنے کے بھی پیسے نہیں ہیں، ہمارے ائرپورٹس بس اسٹینڈ اڈے بن چکے ہیں، ایم ون منصوبہ ریلوے کا مستقبل ہے ۔چینی صدر کی موجودگی میں ایم ایل ون کا معاہدہ ہو گا۔