نگران وزیرخزانہ ڈاکٹر شمشاد اختر نے شرکا کو بتایا کہ موجودہ مالی سال اسٹیل ملز کیلئے10 ارب روپے کا بجٹ مختص کیا ہے، ملازمین کو تنخواہوں کی ادائیگی ماہانہ بنیاد پر کی جائے گی۔
نگران وزیرخزانہ کی زیر صدارت ہونیوالے ای سی سی کےاجلاس میں وزیر منصوبہ بندی کی جانب سے معاشی اعشاریوں اور مہنگائی پر بریفنگ دی گئی۔
اجلاس کے دوران پاکستان اسٹیل ملز کے ملازمین کو بجٹ میں سے ابتدائی چھ ماہ کی تنخواہ دینے کی ہدایت کی گئی۔ وزارت توانائی کی فنانسنگ ریٹس سے متعلق سمری آئندہ اجلاس تک مؤخر کردی گئی ہے۔
اقتصادی رابطہ کمیٹی نے ناجائز منافع خوری پر قابو پانے کی ہدایت کرتے ہوئے گندم اور چینی سمیت غذائی اشیا کے ذخائر اور کھپت کی رپورٹ بھی طلب کرلی۔