فیڈرل بورڈ آف ریونیو نے ریونیو جنریشن اسٹریٹجی کے تحت ٹیکس نیٹ کو وسیع کرنے کے لیے جامع پلان تیار کرلیا ہے، نان فائلرز کو فائلربنانے کے لیے تمام ریجنل ٹیکس دفاترز کو ذمہ داریاں و اہداف دے دیے گئے ہیں۔
افسران کی ذمے داریاں دو حصوں میں تقسیم کی جائیں گی اور ہدف کے حصول کیلیے آرٹی اوز کے 100 افسران کو ذمہ داریاں سونپے جانے کا امکان ہے۔
بعض افسران کو صرف زیرالتوا کیسز نمٹا کر ٹیکس گزار بنانے کا ہدف دیا جائے گا جبکہ بعض افسران کو صرف نئے کیسز نمٹا کر ٹیکس نیٹ بڑھانے کی ذمہ داریاں ملنے کا امکان ہے۔