آئل اینڈ گیس ریگولیٹری اتھارٹی (اوگرا) نے اگست کیلئے آر ایل این جی کی قیمتوں میں اضافہ کردیا۔
اوگرا کی جانب سے جاری نوٹیفکیشن کے مطابق سوئی نادرن کے لیے آر ایل این جی کی قیمت میں 2.97 فیصد اضافہ کیا گیا ہے جب کہ سوئی سدرن کے لیے آر ایل این جی کی قیمت میں 3.19 فیصد اضافہ کیا گیا۔
نوٹیفکیشن کے مطابق سوئی ناردرن کے لیے آرایل این جی کی قیمت میں 0.4038 ڈالرفی ایم ایم بی ٹی یو اضافہ ہوا اورسوئی سدرن کے آر ایل این جی کی قیمت میں 0.4206 ڈالر فی ایم ایم بی ٹی یو اضافہ ہوا ہے۔
اوگرا کی جانب سے سوئی نادرن کے لیے آر ایل این جی کی ڈسٹری بیوشن قیمت14.0065 ڈالرفی ایم ایم بی ٹی یومقرر کی گئی ہے اورسوئی سدرن کے لیے آر ایل این جی کی ڈسٹری بیوشن قیمت 13.5773 ڈالر فی ایم ایم بی ٹی یو مقرر کی گئی ہے۔