معاشی شرح نمو ہدف 5.01 فیصدکے مقابلے میں 0.29 فیصد ریکارڈ

اسلام آباد(شوریٰ نیوز)معاشی شرح نمو ہدف 5.01 فیصدکے مقابلے میں 0.29 فیصد ریکارڈ،صنعتی شعبے کی شرح نمو منفی 2.94 فیصد،بجلی گیس،پانی فراہمی کی6.03 فیصد رہی، رواں مالی سال 23-2022 کے اقتصادی سروے کے اہم نکات سامنے آگئے ہیں۔نجی میڈیا کے اقتصادی سروے کے اہم نکات حاصل کرلیے ہیں جس کے مطابق رواں مالی سال معاشی شرح نمو 0.29 فیصد رہی جب کہ رواں مالی سال معاشی شرح نمو کا ہدف 5.01 فیصد تھا۔زرعی شعبےکی شرح نمو 1.55فیصد رہی جب کہ زرعی شعبے کی نمو کاہدف 3.9 فیصد مقرر تھا، شدید سیلاب نےزراعت، دیگر اقتصادی شعبوں کوبری طرح متاثر کیا، فصلوں کی شرح نمو منفی 2.49 فیصد رہی، اہم فصلوں کی گروتھ منفی 3.20 فیصد رہی، اہم فصلوں کی گروتھ کاہدف 3.5 فیصد مقرر تھا۔لائیو اسٹاک کی ترقی کی شرح نمو 3.78 فیصد رہی، لائیو اسٹاک کی شرح نمو کا ہدف 3.7 فیصد مقرر تھا، فشریز کے شعبے کی گروتھ 1.44 فیصد رہی، فشریز کے شعبے کی گروتھ کا ہدف 6.1 فیصد تھا، جنگلات کے شعبے کی شرح نمو 3.93 فیصد رہی، جنگلات کے شعبے کی شرح نمو کا ہدف 4.5 فیصد مقرر تھا۔صنعتی شعبے کی شرح نمو منفی 2.94 فیصد رہی، صنعتی شعبے کی شرح نمو کا ہدف 5.9 فیصد تھا، بڑی صنعتوں کی گروتھ منفی 7.98 فیصد رہی، بڑی صنعتوں کی گروتھ کا ہدف 7.4فیصد تھا، چھوٹی صنعتوں کی گروتھ 9.03 فیصد رہی، چھوٹی صنعتوں کی گروتھ کا ہدف 8.3 فیصد تھا۔بجلی گیس اور پانی فراہمی کی شرح نمو 6.03 فیصد رہی، بجلی گیس اور پانی سپلائی کے شعبوں کی گروتھ کا ہدف 3.5 فیصد تھا، تعمیرات کے شعبے کی شرح نمو منفی 5.53 فیصد رہی، تعمیرات کے شعبے کی ترقی کاہدف 4 فیصد تھا، انفارمیشن اور کمیونیکیشن کے شعبوں کی گروتھ 6.93 فیصد رہی، انفارمیشن اور کمیونیکیشن کے شعبوں کی گروتھ کا ہدف 6 فیصد تھا، رئیل اسٹیٹ سرگرمیوں کی گروتھ 3.72 فیصد رہی، رئیل اسٹیٹ شعبے کی گروتھ کا ہدف 3.8 فیصد تھا، تعلیم کے شعبےکی گروتھ 4.9 فیصد ہدف کے مقابلے میں 10.44فیصد رہی۔