کراچی بندرگاہ، درآمدات و برآمدات کی ہینڈلنگ 41.85 ملین ٹن
پچھلے سال 51.71 ملین ٹن اور2.21 ملین کنٹینرز کی ہینڈلنگ کی گئی تھی
کراچی(شوریٰ نیوز)کراچی بندرگاہ، درآمدات و برآمدات کی ہینڈلنگ 41.85 ملین ٹن ،پچھلے سال 51.71 ملین ٹن اور2.21 ملین کنٹینرز کی ہینڈلنگ کی گئی تھی۔اعدادوشمار کے مطابق کراچی بندرگاہ سے خشک درآمدات و برآمدات کی ہینڈلنگ امسال (23-2022) 30.63 ملین ٹن رہی، پچھلے سال(22-2021) خشک درآمدات و برآمدات کی ہینڈلنگ 36.64 ملین ٹن ہوئی تھی، اسی طرح سے لکویڈ بلک درامدات و برامدات کی ہینڈلنگ کراچی بندرگاہ پر امسال 11.22 ملین ٹن رہی جو کہ پچھلے سال کے اعداد و شمار کے مطابق 15.07 ملین ٹن رہی تھی۔ کراچی بندرگاہ پر امسال (23-2022) درامدات کارگو کی ہینڈلنگ 29.08 ملین ٹن رہی جو کہ پچھلے سال 35.54 ملین ٹن رہی تھی۔