غیرملکی سرمایہ کاروں کو منافع اپنی کرنسی میں بھیجنے کی اجازت

اسلام آباد (شوریٰ نیوز)غیرملکی سرمایہ کاروں کو منافع اپنی کرنسی میں بھیجنے کی اجازت ،پالیسی سے 20 سے 25 ارب ڈالر کی غیر ملکی سرمایہ کاری کی راہ ہموار ہو گی،حکومت نے غیرملکی سرمایہ کاروں کو پورا منافع اپنے ملک کی کرنسی میں بیرون ملک بھیجنے کی اجازت دے دی۔ وفاقی کابینہ نے پاکستان انویسٹمنٹ پالیسی 2023 کے تحت غیرملکی سرمایہ کاروں کو 6 صنعتوں کے علاوہ تمام شعبوں میں سرمایہ کاری کی اجازت دی۔ حکام کا کہنا ہے کہ غیرملکی سرمایہ کاروں کوخصوصی تحفظ فراہم کیا جائے گا۔ پالیسی کا مقصد 20 سے 25 ارب ڈالر کی غیر ملکی سرمایہ کاری کی راہ ہموار کرنا ہے۔ نئی پالیسی میں غیر ملکی سرمایہ کاری کیلئے کم سے کم ایکویٹی کی شرح ختم کردی گئی ہے۔