کے پی ٹی آپریشنز ،یواے ای سے معاہدے کیلئے کمیٹی تشکیل
مذاکراتی کمیٹی میں قانون، بحری امور، وزارت خزانہ و خارجہ کے حکام شامل
اسلام آباد(شوریٰ نیوز) کے پی ٹی آپریشنز ،یواے ای سے معاہدے کیلئے کمیٹی تشکیل،مذاکراتی کمیٹی میں قانون، بحری امور، وزارت خزانہ و خارجہ کے حکام شامل،کابینہ کی کمیٹی برائے حکومتی لین دین نےکراچی پورٹ ٹرسٹ اور جنرل کارگو ٹرمینل کے آپریشنز کیلیے متحدہ عرب امارات (یو اے ای) کے ساتھ فریم ورک معاہدے پر مذاکرات کی اجازت دے دی۔ وزیر خزانہ اسحاق ڈار کے زیر صدارت کابینہ کی کمیٹی برائے حکومتی لین دین کا اجلاس ہوا۔ اجلاس میں کراچی پورٹ ٹرسٹ اور جنرل کارگو ٹرمینل پر وزارت بحری امور کی سمری پر غور کیا گیا۔اجلاس میں کمیٹی نے فریم ورک معاہدے پر مذاکرات کی اجازت دے دی۔ اعلامیہ کے مطابق مذاکرات کیلیے کابینہ کمیٹی نے مذاکراتی کمیٹی بھی تشکیل دے دی ہے۔مذاکراتی کمیٹی میں سیکریٹری قانون، سیکریٹری بحری امور، وزارت خزانہ و خارجہ حکام شامل ہوں گے۔ کمیٹی متحدہ عرب امارات (یو اے ای) کے ساتھ فریم ورک معاہدے کے مسودے پر بات چیت کرے گی۔