تحریک حماس کے رہنما اسامہ حمدان نے کہا ہے کہ دشمن جو میدان جنگ میں کامیابی حاصل کرنے میں ناکام رہا ہے وہ میدان سیاست میں بھی ناکام رہے گا۔
غیر ملکی میڈیارپورٹ کے مطابق اسامہ حمدان نے ایک پریس کانفرنس میں کہا کہ قیدیوں کی واپسی کے سلسلے میں پیش کی جانے والی تجاویز پر ہمارے کچھ بنیادی تحفظات ہيں۔
ثالث فریقوں کو ایک جواب دینے کے لئے اتفاق رائے تک پہنچنے کے لئے ہم دیگرگروہوں کے ساتھ مل کر اس کا جائزہ لے رہے ہيں، ہم مذاکرات میں دشمن سے سمجھوتے کی پابندی کی ضمانت لینے کی کوشش کررہے ہيں۔
ہمارے لئے سب سے بڑی ضمانت ہماری طاقت ہے جو ہم مختلف میدان میں دشمن کی ہرطرح کی جارحیت کا جواب دے کر دکھائیں گے۔
اسامہ حمدان نے کہا کہ ہم پی ایل او کی تباہی و خاتمہ ہرگز نہيں چاہتے،بیرون ملک حماس کے قومی تعلقات شعبے کے سربراہ علی برکہ نے بھی غزہ میں جنگ بندی کے لئے فرانس کی تجویز کو قبول کرنے کے شرائط کا اعلان کرتے ہوئے کہا ہے کہ اس پرعمل درآمد کے لئے عالمی برادری اور عرب ممالک کی ضمانت ضروری ہے۔