مراکش: فرانسیسی قونصل خانے کے سامنے مظاہرہ، فلسطینی مزاحمت کے بارے میں میکرون کے بیان کی مذمت
مراکش کے شہر کاسابلانکا کے ہزاروں شہریوں نے فرانسیسی قونصل خانے کے سامنے مظاہرہ کرکے فلسطینی مزاحمت کے بارے میں صدر ایمانوئل میکرون کے بیان کی شدید الفاظ میں مذمت کی ہے۔
موصولہ خبروں کے مطابق مراکش کے فوجی دستوں نے طاقت کا استعمال کرتے ہوئے مظاہرین کو منتشر کردیا۔
واضح رہے کہ فرانس کے صدر نے بدھ کے روز مراکش کی پارلیمنٹ میں اپنی نفرت انگیز تقریر کے دوران فلسطینی مزاحمتی تنظیموں کو وحشی گروپ قرار دیا تھا۔
میکرون نے غزہ میں ڈھائے جانے والے مظالم کو اسرائیل کے دفاع کا حق قرار دیتے ہوئے اس کی حمایت کی تھی۔ مراکش کے عوام نے اس سے پہلے بھی متعدد بار احتجاجی ریلیاں نکال کر غزہ کے عوام کے خلاف صیہونی حکومت کے جرائم کی مذمت کی ہے۔