بھارت کے جنگی جنون کے مقابلے میں پاکستان نے بھی اپنی تیاریاں بڑھا دیں۔
ذرائع کے مطابق پاک فضائیہ کے لڑاکا طیارے اور دیگر ایسیٹ بھارت کے کسی بھی قسم کے ایڈونچر کا منہ توڑ جواب دینے کیے لیے مکمل طور پر تیار ہیں۔
ذرائع کے مطابق بھارتی فضائیہ نے 300 سے زائد لڑاکا طیارے پاکستان کی سرحد کے قریب ایئر بیسز پر تعینات کردیے ہیں، ساتھ ہی پاکستانی سرحد کے نزدیک راجستھان میں فضائی مشقوں کا اعلان بھی کردیا ہے۔
رپورٹس کے مطابق رافیل، میراج 2000 اور سخوئی 30 طیاروں کی یہ مشقیں بدھ 7 اور جمعرات 8 مئی کو ہوں گی۔ ساتھ ہی بھارت کے 244 سرحدی اضلاع میں بدھ کو سول ڈیفنس کی مشقیں بھی ہوں گی۔
مقبوضہ کشمیر، نئی دلی اور لکھنو میں آج اسکولوں کے بچوں اور عام شہریوں کو خطرے کا سائرن بجنے کی صورت میں بچاؤ کی مشقیں بھی کرائی گئیں۔
پاک بھارت کشیدگی کے تناظر میں بھارتی وزیراعظم نریندر مودی اور مشیر قومی سلامتی اجیت ڈوول کی 24 گھنٹوں میں دوسری ملاقات ہوئی، مودی اپنے وزیر دفاع، وزیر داخلہ اور مسلح افواج سربراہوں سے گزشتہ چند روز میں کئی میٹنگز کر چکے ہیں۔