پاکستان پیپلزپارٹی کے چیئرمین بلاول بھٹو زرداری نے چنیوٹ میں جلسے سے خطاب کرتے ہوئے کہا کہ ’میاں صاحب کی سیاست تشدد کی سیاست ہےجس کا اندازہ ہی نہیں ۔
2024 ہے، باربار آنے والوں کے بجائے اب نئے چہروں کو موقع دیں، آٹھ فروری کو ووٹ سے چوتھی باروزیراعظم بنانے والے کی سازش کو ناکام بنا دیں۔
میں ان کو جانتا ہوں ان کے دل میں نفرت اور بغض ہے، میاں صاحب چوتھی بار وزیراعظم بنے تو وہ انتقام لیں گے جس کا اندازہ ہی نہیں، ان کی سیاست تشدد کی سیاست ہے۔
ابھی نوازشریف کو انتقام کا موقع نہیں ملا ہے، وہ جیل سپرنٹنڈنٹ سے جج تک سب سے انتقام لے گا، انتقام لینا میاں نوازشریف کی عادت ہے۔
انتقام لیتے ہوئے وہ ملک کو نقصان پہنچائیں گے، ووٹ کی طاقت استعمال کرکے ان کی سازش ناکام بنادیں،نفرت اور تقسیم کی سیاست دفن کردیں۔