صیہونی حکومت کی جانب سے غزہ میں ایک ہی روز میں 24 فوجیوں کی ہلاکت سے متعلق بتائی گئی وجہ جھوٹ کا پلندہ ثابت ہوگئی ہے، امریکی میڈیا نے صیہونی حکومت کے جھوٹ کا بھانڈہ پھوڑ دیا۔
امریکی میڈیا نے تصدیق کی کہ صیہونی فوجی، یرغمالیوں کو چھڑوانے کے دوران نہیں بلکہ غزہ میں غیرقانونی بفرزون بنانے کی کوشش میں مارے گئے ہیں۔
امریکی میڈیا کے مطابق صیہونی فوجی غزہ میں مختلف عمارتوں کو ملبے کا ڈھیر بنا کر بفرزون قائم کرنے کی کوشش میں تھے۔
صیہونی حکومت کی جانب سے غزہ میں ایک ہی روز میں 24 فوجیوں کی ہلاکت سے متعلق بتائی گئی وجہ جھوٹ کا پلندہ ثابت ہوگئی ہے، امریکی میڈیا نے صیہونی حکومت کے جھوٹ کا بھانڈہ پھوڑ دیا۔
امریکی میڈیا نے تصدیق کی کہ صیہونی فوجی، یرغمالیوں کو چھڑوانے کے دوران نہیں بلکہ غزہ میں غیرقانونی بفرزون بنانے کی کوشش میں مارے گئے ہیں۔
امریکی میڈیا کے مطابق صیہونی فوجی غزہ میں مختلف عمارتوں کو ملبے کا ڈھیر بنا کر بفرزون قائم کرنے کی کوشش میں تھے۔
امریکی میڈیا کی رپورٹ میں بتایا گیا کہ عمارتوں کوتباہ کرنے کیلئے ان میں بارود رکھا جا رہا تھا کہ حماس کے جنگجوؤں نے صیہونی فوجیوں پر حملہ کردیا جس سے عمارت میں دھماکا ہوا اور وہاں موجود فوجیوں کے پرخچے اڑگئے۔
اس سے پہلے صیہونی حکومت نے دعویٰ کیا تھا کہ حماس کی قید میں موجود یرغمالیوں کو بازیاب کرنے کی کوشش میں فوجی مارے گئے، تاہم اب واضح ہوا ہے کہ صیہونی حکومت غزہ میں عمارتوں اور گھروں کو ملبے کا ڈھیر بناکر غزہ کی زمین پر قابض ہونا چاہتا ہے اور حماس نے بفرزون بنانے کی صیہونی سازش ناکام بنادی ہے۔
اقوام متحدہ کے اہلکار نے فلسطینیوں پر ڈھائے جانیوالے مظالم کے حوالے سے کہا ہے کہ جس طرح فلسطینی قیدیوں کو برہنہ کرکے انہیں مارا پیٹا جا رہا ہے اور غائب کیا جا رہا ہے، یہ ممکنہ طورپر تشدد کے زمرے میں آتا ہے۔
ان کا کہنا تھا کہ ہزاروں فلسطینی صیہونی جیلوں میں انتہائی ہولناک صورتحال میں قید ہیں۔