گوجرانوالہ (شوریٰ نیوز)وفاقی وزیر توانائی خرم دستگیر نے پی ٹی آئی کی سابق حکومت کو غریب دشمن اور سی پیک دشمن قرار د یتے ہوئے کہا ہے کہ 4 سال میں غریب اور سی پیک دشمن حکومت موجود تھی،گزشتہ حکومت میں سی پیک پر کام نہیں ہوا۔ترقی دشمن حکومت کے اثرات زائل کر دئیے گئے ۔ گوجرانولہ میں میڈیا سے گفتگو کرتے ہوئے خرم دستگیر نے کہا ہے کہ چینی کمپنی پاکستان میں ساڑھے 3 ارب ڈالر کی سرمایہ کاری کرے گی،چینی سرمایہ کاری سے نیو کلیئر کے شعبے کو فروغ حاصل ہو گا۔ نیو کلیئر پاور پلانٹ جدید ٹیکنالوجی کی بنیاد ہو گا،یہ پاکستان میں جوہری بجلی کا سب سے بڑا پلانٹ ہو گا۔انہوں نے بتایا کہ نیو کلیئر پلانٹ سے سستی بجلی حاصل ہو گی،پاکستان میں نیو کلیئر ٹیکنالوجی کے فروغ کیلئے یہ پلانٹ کارآمد ہو گا،بجلی کی مزید پیدوار کیلئے کام کر رہے ہیں۔ خرم دستگیر نے پی ٹی آئی قیادت پر تنقید کرتے ہوئے کہا کہ 4 سال میں غریب اور سی پیک دشمن حکومت موجود تھی،گزشتہ حکومت میں سی پیک پر کام نہیں ہوا۔ترقی دشمن حکومت کے اثرات زائل کر دئیے گئے ہیں،ایک سال میں چین کے ساتھ تعلقات میں بہتری آئی ہے۔ انہوںنے کہا کہ ملک میں سولر انڈسٹری لگنے سے سولر سسٹم بہت سستا ہو جائے گا، سولر سسٹم کی قیمتوں میں کمی آئی ہے، پاکستان میں بہت سے صنعت کار سولر اور بیٹریوں کی انڈسٹری لگانا چاہتے ہیں۔خرم دستگیر کا کہنا ہے کہ شہباز شریف نے بجلی پیداوار میں 5 ہزار میگا واٹ کا اضافہ کیا، ڈسٹری بیوشن کمپنیوں نے سیلاب میں بھرپور کردار ادا کیا تھا۔ انہوں نے کہا کہ بجلی کی مزید پیداوار کے لیے کام کر رہے ہیں، نیوکلیئر پلانٹ سے سستی بجلی حاصل ہو گی۔ان کا کہنا ہے کہ لائن لاسسز اور بلوں کو کم کرنے کی ضرورت ہے، چینی کمپنی ساڑھے 3 ارب ڈالر کی سرمایہ کاری کرے گی۔مسلم لیگ ن کے رہنما نے یہ بھی کہا کہ سمندری طوفان کے باعث کچھ مشکلات آئی تھیں .