ٹیکسز سے غریب عوام کی خون نچوڑا جارہا ہے ، جے یو آئی نظریاتی

کوئٹہ(شوریٰ نیوز)جمعیت علما اسلام نظریاتی پاکستان کے مرکزی سینئر نائب امیر مولاناعبدالقادر لونی ،مرکزی جنرل سیکرٹری مفتی شفیع الدین ،مرکزی نائب امیر مولانا عبدالروف ،مرکزی ڈپٹی جنرل سیکرٹری نجیم خان ایڈوکیٹ ،مرکزی جوائنٹ سیکرٹری مولانامحمودالحسن قاسمی ،مرکزی سیکرٹری اطلاعات سید حاجی عبدالستار شاہ چشتی ،مرکزی سیکرٹری مالیات حاجی حیات اللہ کاکڑ نے کہا کہ موجودہ حکومت آئی ایم ایف کے دبا اور شرائط پر ٹیکسز سے غریب عوام کی خون نچوڑا جارہا ہے جو قوم وملک کے لیے تباہ کن سونامی ثابت ہوگا ٹیکسز سے رہی سہی معیشت کو بھی زمین بوس کر دیگا انہوں نے کہا کہ سامراجی معاشی اداروں کی ایما پرٹیکسوں میں اضافہ اور دیگر اشیائے خوردنوش کی قیمتوں میں اضافہ سے قوم کی امیدوں پرشب خون مارا معاشی ترقی کی طفل تسلیوں سے قوم کو دھوکہ دے رہاہے اور قوم دیکھ رہی ہے کہ نااہل حکمرانوں کی وجہ سے قومی معیشت وینٹی لیٹر پر ہے مہنگائی کی شرح میں کمی تو نہ لا سکی بلکہ اشیائے خورد نوش چینی، آٹا، گھی کی قیمتوں میں دو سے تین گنا ہوشربا اضافہ سیصرف مافیاز کو نوازا گیا۔ اور ملک کو آئی ایم ایف کی مکمل غلامی میں دھکیل دیا۔ انہوں نے کہا حکمران کی ناروا پالیسیوں سے عوام احتجاجوں پر نکل رہی ہے ان آزمائے ہوئے مہروں سے بہتری کی کوئی توقع نہیں۔ مہنگائی اور بے روزگاری کا طوفان تھمنے کا نام نہیں لے رہا، حکمرانوں کو عوام کے مسائل سے کوئی غرض نہیں رہی بلکہ اپنے تجوریاں بھرنے کے لیے عوام کا استحصال کیا جارہا ہے قوم کوفاقوں، خودکشیوں اور بچوں کو بیچنے پر مجبور کر رہے ہیں قوم پہلے ہی کمرتوڑ مہنگائی کی چکی میں پس رہے تھے اب ٹیکسز اورمہنگائی میں مزید ہوشربا اضافہ سے عوام کا جینا دو بھر ہو جائے گا۔