امریکا نے شہریوں سے اپیل کی ہے کہ ڈالرز کی مالیت کے اسٹیلتھ جنگی طیارے کی تلاش میں مدد کرے جسے غائب ہوئے ایک دن سے زیادہ کا عرصہ ہوگیا۔
امریکی فوجی جنگی طیارہ جنوبی کیرولینا میں اس وقت لاپتا ہو ا جب پائلٹ نے چھلانگ لگا کر اپنی جان بچالی تھی اور طیارے کافی دور تک پرواز کرتے رہنے کے بعد گر گیا ۔
تاحال اس کا سراغ نہیں مل سکا۔ اسٹیلتھ طیارے میں ریڈار کو دھوکا دینے کی صلاحیت ہوتی ہے،یہی وجہ ہے کہ تاحال طیارے کا کچھ نہیں پتا چلا سکا اور نہ ہی کہیں سے ملبہ ملا ہے ۔
چند ہفتوں میں امریکی فوجی کے 4 ہیلی کاپٹرز کے گرنے کے واقعات کے بعد ضروری ٹریننگ کی تکمیل تک پائلٹس کو گراؤنڈ کرنے کا حکم دیا گیا تھا۔