صیہونی حکومت کی درخواست پر فیس بک اور ٹک ٹاک نے غزہ جنگ سے متعلق ہزاروں پوسٹیں ڈیلیٹ کردیں

دنیا بھر کے بڑے بڑے سوشل میڈیا پلیٹ فارمز صیہونی حکومت کے کہنے پر غزہ جنگ سے متعلق پوسٹیں ہٹانے لگیں۔

مقبوضہ فلسطین کے محصور علاقے غزہ میں نہتے فلسطینیوں کا قتل عام جاری ہے جبکہ صیہونی حکومت کا یہ دعویٰ کئی مرتبہ جھوٹا ثابت ہو چکا ہے کہ وہ حماس کے ٹھکانوں پر حملے کر رہا ہے۔

اب جھوٹے پروپیگنڈے کے بعد صیہونی حکام کی جانب سے سوشل میڈیا پلیٹ فارمز سے بھی پوسٹیں ہٹانے کی خبریں سامنے آئی ہیں۔

رپورٹس کے مطابق صیہونی حکومت کی درخواست پرفیس بک کی سرپرست کمپنی میٹا اور ٹک ٹاک نے غزہ جنگ سے متعلق ہزاروں پوسٹ ڈیلیٹ کردیں۔

رپورٹس میں کہا گیا ہے کہ ٹک ٹاک، فیس بک اور انسٹاگرام کو صیہونی حکومت سے 8 ہزار سے زائد درخواستیں ملیں۔

رپورٹس کے مطابق صیہونی درخواستوں میں شامل 94 فیصد غزہ جنگ پوسٹوں کو ایپس سے ہٹا دیا گیا ہے۔