غزہ میں صیہونی فوج کے ایمبولینس پر حملے میں فلسطینی ہلال احمر کے 4 کارکن شہید ہوگئے۔
فلسطینی ہلال احمر کے مطابق صیہونی طیاروں نے دیرالبلح کے نزدیک ایمبولینس کو جان بوجھ کر نشانہ بنایا جس میں ہلال احمر کے 4 کارکن شہید ہوگئے۔
فلسطینی ہلال احمرکا کہنا ہےکہ چاروں افراد طب کے شعبے سے تعلق رکھتے تھے۔
دوسری جانب صیہونی فوج نے غزہ میں الاقصیٰ اسپتال کے اطراف شدید بمباری کی جس کے نتیجے میں 40 سے زیادہ فلسطینی شہید اور 150 سے زیادہ زخمی ہوگئے۔
24 گھنٹوں میں 150 سے زائد سفاکانہ صیہونی حملوں میں 200 فلسطینی شہید ہوگئے۔
7 اکتوبر سے اب تک شہدا کی تعداد 23 ہزار 350 سے تجاوز کرگئی ہے۔
دوسری جانب مقبوضہ مغربی کنارے میں بھی صیہونی فورسز کی پُرتشدد کارروائیاں جاری ہیں۔
عرب میڈیا کے مطابق صیہونی فورسز کی مقبوضہ مغربی کنارے کے شہر نابلس میں چھاپہ مارکارروائی میں صیہونی فوجیوں کی فائرنگ سے 12 فلسطینی زخمی ہوگئے، اس دوران 5 فلسطینی گرفتار بھی کرلیےگئے۔