صیہونی فوج کے مطابق جنوبی غزہ میں ایک بریگیڈ کو چھوڑ کر باقی تمام فوجی دستوں کو واپس بلا لیا گیا ہے،اب اسرائیلی فوج کا نہال بریگیڈ جنوبی غزہ میں موجود رہے گا۔
صیہونی فوج نے جنوبی غزہ سے فوجیوں کو نکالنے کی مزید تفصیلات نہیں بتائیں تاہم ایک اسرائیلی بریگیڈ میں عموماً چند ہزار فوجی ہوتے ہیں۔
صیہونی فوج نکالنے کے بعد رفح میں زمینی آپریشن کے اسرائیلی عزائم بھی ابھی واضح نہیں۔
خیال رہے کہ صیہونی فوج جنوبی غزہ میں 4 ماہ سے موجود ہے اور خان یونس کے مقام پر سخت مزاحمت کا سامنا کرنا پڑا ہے۔
واضح رہے کہ صیہونی جارحیت کے نتیجے میں غزہ میں خوراک سمیت بنیادی ضروریات کی شدید قلت پیدا ہوگئی ہے جبکہ بنیادی شہری انفرا اسٹرکچر بھی تباہ ہوگیا ہے۔
غزہ پرصیہونی حملوں میں اب تک 33 ہزار سے زائد فلسطینی شہید ہو چکے ہیں جن میں 13 ہزار سے زائد تعداد بچوں کی ہے۔