صیہونی حکومت نے ہفتے اور اتوار کی درمیانی شب ہونے والے ایرانی حملے پر سلامتی کونسل کے اجلاس کی درخواست کر دی۔
صیہونی حکومت نے ایرانی حملے پر سخت جوابی کارروائی کرنے کا اعلان بھی کیا ہے۔
صیہونی سکیورٹی کابینہ نےجنگی کابینہ کو ایرانی حملے پر ردعمل دینے کا اختیار دے دیا۔
صیہونی وزیراعظم نے کہا کہ ایرانی حملوں کا منہ توڑ جواب دیں گے، صیہونی حکومت ہر قسم کے حملے کا جواب دینے کے لیے تیار ہے۔
صدر جوبائیڈن کی مذمت:
دوسری جانب امریکی صدر جوبائیڈن نے صیہونی حکومت پر ایرانی حملوں کی شدید الفاظ میں مذمت کی اور کہا آج ایران اور اس کی پراکسیز نے صیہونی حکومت کی فوجی تنصیبات پر حملہ کیا، صیہونی حکومت پر داغےگئے تقریباً تمام ایرانی ڈرون اور میزائل امریکی مدد سے مار گرائے۔
جو بائیڈن کا کہنا تھا کہ ایران حملوں سے متعلق قومی سلامتی ٹیم سے تازہ صورتحال معلوم کی ہے، ایران اوراس کے آلہ کاروں کے خطرات کے خلاف صیہونی حکومت کے ساتھ ہیں، صیہونی حکومت کی سلامتی کے لیے ہمارا عزم آہنی ہے۔
ایران صیہونی حکومت کشیدگی پر اقوام متحدہ کی سلامتی کونسل کا اجلاس اتوار یعنی آج شام 4 بجے ہونے کا امکان ہے۔