فلسطین: غزہ اور مغربی کنارے پر صیہونی فوج کے حملوں میں مزید 17 فلسطینی شہید ہوگئے۔
عرب میڈیا کے مطابق غزہ کے نصیرت کیمپ، خان یونس اور رفح پر صیہونی بمباری سے 15فلسطینی شہید ہوگئے جب کہ مغربی کنارےکےشہر جنین میں صیہونی فوج کی فائرنگ سے 2 فلسطینی شہید ہوئے۔
عرب میڈیا کا بتانا ہےکہ صیہونی فوج نے خواتین اور بچوں سمیت 10 افراد کو نصیرت کیمپ میں شہید کیا جب کہ رات گئے رفح پر صیہونی بمباری میں 2 بچوں سمیت مزید 5 افراد شہید ہوگئے۔
دوسری جانب غزہ میں حماس کے نائب سربراہ خلیل الحیا نے کہا ہے کہ صیہونی حکومت کا جنگ بندی مذاکرات سے متعلق جواب موصول ہوا ہے اور حماس صیہونی حکومت کی جانب سے موصول جواب کا جائزہ لے رہا ہے جس کے بعد ہی کوئی جواب دیا جائے گا۔