دہلی(شوریٰ نیوز) یاسین ملک کی سزائےموت کیلئے بھارتی ایجنسی کا دہلی ہائیکورٹ سے رجوع ،دہلی ہائی کورٹ کا دو رکنی بینچ 29 مئی کو این آئی اےکی درخواست پر سماعت کرےگا، بھارتی ایجنسی این آئی اے نے کشمیری حریت رہنما یاسین ملک کی سزائےموت کے لیے دہلی ہائی کورٹ سے رجوع کرلیا۔دہلی ہائی کورٹ میں این آئی اے کی درخواست پر سماعت 29 مئی کو ہوگی، دہلی ہائی کورٹ کا دو رکنی بینچ 29 مئی کو این آئی اےکی درخواست پر سماعت کرےگا۔واضح رہے کہ گزشتہ سال نئی دہلی کی ایک عدالت نے یاسین ملک کو جھوٹے مقدمے میں عمر قید کی سزا سنائی تھی۔جموں کشمیر لبریشن فرنٹ کے چیئرمین یاسین ملک کو مارچ 2019 میں گرفتار کیا گیا تھا،گزشتہ سال عدالت نے یاسین ملک کو دہشت گردوں کی مالی معاونت کے مقدمے میں عمر قید سنائی تھی۔