پاکستان سٹاک مارکیٹ مثبت زون میں رہنے کے بعد منفی میں تبدیل ہوگئی۔
کاروباری ہفتے کے پانچویں اور آخری روز کاروبار کے آغاز پر سٹاک ایکسچینج میں مندی دیکھنے میں آ رہی ہے، 200 سے زائد پوائنٹس کی کمی کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 19 ہزار پوائنٹس کی حد کھو بیٹھا۔
سٹاک ایکسچینج میں ہنڈرڈ انڈیکس ایک لاکھ 18 ہزار 723 پوائنٹس کی کم ترین سطح پر پہنچ گیا ہے۔
واضح رہے کہ گزشتہ کاروباری دن کے اختتام پر سٹاک ایکسچینج میں ہنڈرڈ انڈیکس 778 پوائنٹس کی کمی کیساتھ ایک لاکھ 19 ہزار 153 پوائنٹس کی سطح پر بند ہوا تھا۔
دوسری جانب انٹربینک میں امریکی کرنسی کی قدر میں 16 پیسے کمی ہوئی، ڈالر 282.06 روپے سے کم ہو کر 281.90 روپے پر آگیا۔