سستے پیٹرول پیکج پر عمل معطل، روسی تیل پر رعایت ملے گی ،مصدق ملک

اسلام آباد (شوریٰ نیوز)وزیر مملکت پٹرولیم ڈاکٹر مصدق ملک نے کہا ہے کہ سستے پیٹرول پیکج پر عمل معطل، روسی تیل پر رعایت ملے گی ، پاکستان میں 14 ارب ڈالر تک کی سرمایہ کاری سے ریفائنری لگ رہی ہے، روسی خام تیل کا جہاز راستے میں ہے۔ انہوں نےپریس کانفرنس میں کہا کہ معاہدے کے تحت روسی تیل کی قیمت نہیں بتا سکتے البتہ پاکستان کو روسی خام تیل پر اچھی خاصی رعایت ملے گی۔ عالمی مالیاتی اداروں کی اعتراضات پر فی الحال عوام کے لیے سستے پیٹرول پیکج پر عملدر آمد رو ک دیا گیا ہے لیکن روسی خام تیل پاکستان آئے گا تو پاکستان میں تیل سستا ہو جائے گا۔کوشش ہوتی ہے عالمی مارکیٹ میں پیٹرولیم مصنوعات سستی ہوں تو پاکستان میں زیادہ سستی کی جائیں، اگر ان قیمتوں میں اضافہ ہو تو کوشش کی جاتی ہے پاکستان میں اضافہ کم کیا جائے ۔ ملک میں گیس کنکشنز کھولے جانے کی باتیں درست نہیں۔