گیس بحران ٹل گیا،قطر سے ایل این جی پاکستان پہنچ گئ

لاہور (شوریٰ نیوز) گیس بحران ٹل گیا،قطر سے ایل این جی پاکستان پہنچ گئ،پاور،کھاد سمیت تمام صنعتوں کی گیس مکمل بحال کردی گئی ہے،قطر سے منگوائے گئے ایل این جی کارگو پاکستان پہنچ گئے۔سوئی سدرن ذرائع کےمطابق سمندری طوفان کی وجہ سے ایل این جی کارگو تاخیر سے پاکستان پہنچے ہیں، یہ ایل این جی سسٹم میں شامل ہونے سے گیس بحران ٹل گیا ہے اور پاور،کھاد سمیت تمام صنعتوں کی گیس مکمل بحال کردی گئی ہے جب کہ گھریلو صارفین کے لیے بھی گیس کا پریشر بہتر ہورہا ہے۔سسٹم میں 1800ملین کیوبک گیس موجودہے اور اس وقت گیس کے شارٹ فال کا سامنا نہیں ہے۔ٹیل اینڈ اورپرانی لائنوں والے علاقوں میں گیس کمی انفرادی مسئلہ ہے،گھروں میں گیس کمپریسر استعمال کیے جارہے ہیں جو غیر قانونی ہیں، اس سلسلے میں چھاپوں کےلیے ٹیموں کی تعداد بڑھا دی گئی ہے، جس گھر سےکمپریسر پکڑا گیا وہاں میٹرکاٹ دیا جائےگا۔