وزارت ریلوے کیلئے 2.5 ارب روپے کی اضافی گرانٹ منظور
سندھ کی شوگر ملز کو کوٹے سے زائدچینی بیرون ملک بھجوانے کی اجازت
اسلام آباد (شوریٰ نیوز)وزارت ریلوے کیلئے 2.5 ارب روپے کی اضافی گرانٹ منظورسندھ کی شوگر ملز کو کوٹے سے زائدچینی بیرون ملک بھجوانے کی اجازت، اقتصادی رابطہ کمیٹی نے سندھ کی شوگر ملز کو کوٹے سے 32 ہزار میٹرک ٹن چینی بیرون ملک بھجوانے کی اجازت دے دی۔وزیر خزانہ اسحاق ڈار کی زیر صدارت اقتصادی رابطہ کمیٹی کا اجلاس ہوا جس میں بتایا گیا کہ 60 روز کے اندر اندر چینی برآمد کرسکیں گے جس کی مدت کا آغاز 12 جون سے ہوگا، اجلاس میں ای سی سی نے سندھ کی شوگر ملز کو کوٹے سے 32 ہزار میٹرک ٹن چینی بیرون ملک بھجوانے کی اجازت دی۔ وزارت ریلوے کےلیے 2.5 ارب روپے کی اضافی گرانٹ منظور دی گئی ہے جو ریلوے کے عملے کی تنخواہوں اور پینشن پر خرچ کی جائے گی۔ خزانہ ڈویژن کےلیے 250 ارب روپے کی ضمنی تکنیکی گرانٹ کی منظوری کی گئی ہے، یہ رقم صوبوں کے موجودہ اضافی اخراجات اور مستقبل کی ضروریات کےلیے ہے۔ وزارت ہاؤسنگ کےلیے 3 ارب 80 کروڑ روپے کی تکنیکی گرانٹ منظور کی گئی ہے جب کہ 16 مختلف ترقیاتی اسکیموں کےلیے ایک ارب 20 کروڑ کی گرانٹ اور ریکوڈک منصوبے کے لیے وزارت توانائی کو ایل ارب 23 کروڑ روپے کی گرانٹ فراہمی کی منظوری دی گئی ہے۔