صیہونی حکومت پر ایران کے ڈرون حملوں پر ایران میں شہریوں نے جشن منانا شروع کر دیا۔
رپورٹ کے مطابق ایران کی جانب سے صیہونی حکومت پر فائر کیے گئے ڈرونز اور کروز میزائلز کے حملوں کے بعد تہران میں ایرانی شہری خوشی مناتے ہوئے سڑکوں پر نکل آئے۔
عوام ایران کے پرچم لے کر سڑکوں پر آگئے اور جشن بھی منایا۔
دوسری جانب لبنانی دارالحکومت بیروت میں بھی صیہونی حکومت پر ڈرون حملوں کی خوشی میں ریلی نکالی گئی۔
واضح رہے کہ ایران نے صیہونی حکومت پر 100کے قریب ڈرون اور کروز میزائلز فائر کر دیے۔ایرانی پاسدران انقلاب نے صیہونی حکومت پر حملے کی باضابطہ تصدیق کردی ہے۔
رپورٹ کے مطابق ایران نے صیہونی دفاعی تنصیبات کو نشانہ بنایا ہے، گولان کی پہاڑیوں اور شام کے قریب صیہونی فوجی ٹھکانوں کو بھی نشانہ بنایا۔