ایران کی جانب سے صیہونی حکومت پر کیے جانے والے حملوں پر وائٹ ہاؤس نے اپنے ردعمل کا اظہار کیا ہے۔
امریکی محکمہ دفاع کی جانب سے جاری بیان میں کہا گیا ہے کہ صیہونی حکومت کے دفاع کے لیے امریکی فوج نے پچھلے ہفتے ہی ہوائی جہاز اور بیلسٹک میزائل ڈیفنس ڈسٹرائرز کو خطے میں منتقل کیا۔
وائٹ ہاؤس نے کہا کہ ان تعیناتیوں کی بدولت ہم نے صیہونی حکومت کو آنے والے تقریباً تمام ڈرونز اور میزائلوں کو گرانے میں مدد کی۔
وائٹ ہاؤس اعلامیے میں کہا گیا ہے کہ ہم صیہونی حکومت کے ساتھ قریبی رابطے میں رہیں گے۔
وائٹ ہاؤس کے مطابق امریکی صدر جو بائیڈن نے صیہونی وزیراعظم بن یامین نیتن یاہو سے فون پر رابطہ کیا اور صیہونی حکومت کی سلامتی کے لیے امریکی عزم کا اعادہ کیا۔
اس کے علاوہ امریکی صدر کل جی 7 کا اجلاس بلائیں گے جس میں ایرانی حملے پر متحدہ سفارتی ردعمل کو طے کیا جائے گا۔